Pwy fyddai yn rhiant maeth yn ystod amser y Nadolig?

 Straeon calonogol gan deuluoedd sy’n agor eu drysau i blant mewn gofal dros yr ŵyl.

Gall y Nadolig fod yn amser anodd i rai teuluoedd, ac yn enwedig ar gyfer plant mewngofal maeth. Gwnaethom ofyn i'n rhieni maeth a gweithwyr cymdeithasol i rannu eu profiad o faethu dros gyfnod y Nadolig a dyma beth ddywedasant....

 

“Roedd gennym fachgen bach gyda ni ar gyfer y Nadolig, ac roeddem wedi prynu castell lego iddo. Roedd wrth ei fodd gydag ef a threuliodd y cyfan o fore Nadolig yn ei adeiladu gyda fy ngŵr. Pan ddaethom yn ôl drwodd i'r lolfa ar ôl ein cinio Nadolig, roedd y castell wedi mynd. Roedd pob un o'r teganau wedi mynd. “Ble mae’r holl deganau wedi mynd?” gofynnais. Roedd yn edrych yn bryderus. Dywedais “mae’n iawn, dweud wrtha i.” “I fyny'r grisiau” sibrydodd. Aethom i fyny'r grisiau, ac yno yn cuddio yng nghefn ei wely roedd y teganau i gyd. “Byddai mam a dad bob amser yn eu gwerthu nhw” dywedodd “roeddwn yn eu cadw'n ddiogel.” Cadwodd ei deganau yn ei ystafell am wythnos cyn dod â nhw yn raddol i lawr y grisiau i chwarae.” Gofalwr Maeth

 

Cael gwybod sut i fod yn ofalwr maeth

 

“Roedd gennym ferch yn ei harddegau gyda ni un Nadolig. Doedd hi erioed wedi cael llawer o Nadolig adref.  Rydym yn wirioneddol fwynhau’r Nadolig felly gwnaethom ei deffro hi yn y bore a dod a hi i lawr y grisiau at y goeden. Roedd yn rhaid i ni ddangos iddi beth i'w wneud. Roedd hi wrth ei bodd, hyd yn oed gyda dim ond y darnau bach o golur roeddem wedi eu prynu iddi.” Rhiant Maeth

 

“Roedd gennym blentyn maeth wedi cyrraedd ar 23 Rhagfyr ac roedd rhaid i ni ruthro allan a brynu anrhegion yn gyflym.” Rhiant Maeth

“Rydym yn dal i gadw’r addurniadau mae rhai o'n plant maeth wedi gwneud, a phan fyddant yn dod yn ôl i ymweld, maent yn gweld bod yr addurniadau yn dal i fod ar y goeden.” Rhiant Maeth 

“Ni allai'r plant gredu bod yr holl anrhegion iddyn nhw, ac y gallent eu cadw.” Rhiant Maeth 

“Roeddem yn wir yn edrych ymlaen at y Nadolig gyda'n plentyn maeth. Roedd y cyfan wedi ei  gynllunio. Ond roedd wedi llethu gan y cyfan, ac aeth a’i holl anrhegion i fyny a threuliodd y diwrnod cyfan yn ei ystafell wely.” Rhiant Maeth

 

Cymerwch y cam cyntaf i ddod yn rhiant maeth

“Y rhan fwyaf o Noswyliau Nadolig, gofynnir i ni i roi tua 5 o blant mewn gofal maeth ac rydym yn ffonio o gwmpas ein gofalwyr maeth yn gofyn a ydynt yn gallu gofalu am blentyn dros y Nadolig. Ond yn aml mae’r cynllun yn newid ac nid oes angen gofal maeth ar y plant wedi'r cyfan, panig drosodd. Mae ein gofalwyr maeth bob amser yn wych ac yn gwneud popeth yn ddidrafferth.” Gweithiwr Cymdeithasol Maethu

“Cyrhaeddodd Mam i'r sesiwn gyswllt â bagiau a bagiau o anrhegion. Nid oedd rhai o'r anrhegion yn briodol i'w hoedran. Roeddent i blentyn llawer iau - oedran y plant pan aethant i ofal maeth am y tro cyntaf.” Rhiant maeth

 

“Gwnaethom ofyn i ofalwr maeth a allent ofalu am blentyn dros y Nadolig. Roedd yn rhaid iddynt ffonio eu teulu yn gyflym a oedd ar y ffordd i ymweld ar gyfer y Nadolig, i newid eu cynlluniau am nad oedd lle iddynt.” Gweithiwr Cymdeithasol Maethu

“Gall rhai plant gael y Nadolig yn eithaf anodd. Mae'r drefn gyfan yn newid.  Mae hyd yn oed y drefn ysgol yn wahanol gydag ymarfer ar gyfer y sioe Nadolig ac ati. Mae'n rhy wahanol ac ychydig yn llethol.” Gweithiwr Cymdeithasol Maethu

 

“Roedd ein gofalwyr maeth wedi prynu llawer o anrhegion i’r plant, oherwydd nad oedd ganddynt unrhyw beth. Yna roedd neiniau a theidiau’r plant yn cyrraedd gyda llwyth arall o anrhegion. Roedd ychydig yn llethol.” Gweithiwr Cymdeithasol Maethu

Gall y Nadolig fod yn gyfnod anodd, ond mae ein gofalwyr maeth gwych yn croesawu plant i'w cartrefi i rannu cinio Nadolig, agor anrhegion a theimlo fel rhan o'r teulu.

Nadolig Llawen

Tîm Maethu Sir y Fflint

Allech chi gynnig cartref cariadus i blentyn?

Maethu - Blwyddyn Ymlaen

Fe wnaethom y penderfyniad a newidiodd ein bywydau i ddod yn ofalwyr maeth ac i mi fy hun fod yn ofalwr maeth llawn amser ychydig dros flwyddyn yn ôl. Oh ac am flwyddyn a fuodd hi!!

Ers y panel a chael ein dilysu rydym bellach wedi bod yn ofalwr maeth i 1 plentyn a 2 RWY’N CARU FY SWYDD, WRTH FY MODD! Ydy, mae’n waith caled, sy’n eich draenio ac yn llyncu pob darn o egni OND, mae’n llawn gwobrau, mae’n llawn hapusrwydd, mae’n annwyl ac yn cydio yn eich calon mewn modd cadarnhaol iawn.

I’w roi mewn persbectif, ers cael 'y lleoliadau' (rydym bellach yn gwybod yr holl jargon):

Rydw i wedi sylwi faint o bobl wedi gofyn i mi beth mae bod yn rhiant maeth yn ei olygu - beth sy’n dod yn ei sgil. Maent eisiau gwybod sut yr ydych yn mynd o gwmpas dod yn rhiant maeth, a beth sy'n digwydd i chi a'ch teulu pan fyddwch yn agor eich calon a’ch cartref i blentyn rhywun arall. Yr wyf yn gyson yn clywed y geiriau "sut ydych chi'n rhoi i fyny gyda nhw", ac rwy’n ateb "Rwy'n gwybod ei bod yn anodd ond, dyna chi".

Fodd bynnag, y realiti yw, byddwch yn dysgu drwy gefnogaeth a hyfforddiant rhagorol ar yr amod nad eich rhai chi ydyn nhw yn y lle cyntaf a'ch bod yn rhan o dîm mawr iawn, i gyd yn delio â'r un peth.

Rwy’n cofio siarad â hen ffrind ysgol am faethu yn gyffredinol a sylweddoli bod gan rai pobl gamsyniadau ynghylch beth mae bod yn rhiant maeth yn ei olygu. Wrth gwrs, maent yn dweud, eu bod wrth eu bodd yn bod yn rhiant maeth. Gallant weld eu hunain yn agor eu cartref i ryw blentyn bach tlawd, tenau, yn eu bwydo, ac yn byw yn hapus byth wedyn. Ond, rydym wedi dysgu bod mwy iddi na hynny. Er enghraifft, os ydych yn gwerthfawrogi eich rhyddid, os ydych yn hoffi mynd a dod fel yr hoffech, efallai nad yw bod yn rhiant maeth ar eich cyfer chi. Beth rwy’n feddwl yw gall Plentyn sy’n Derbyn Gofal (LAC) gymryd llawer o amser. Maent yn dod atoch chi gyda phroblemau ar y tu mewn, ond, rydym yn ceisio cofio mae NHW ofn, a dim ots beth yw eu sefyllfa a'r rheswm y maent wedi cael eu lleoli gyda ni, mae dod at ddieithriaid llwyr yn eu gwneud yn ofnus. Felly, wrth gwrs byddant angen mwy o'ch amser a gofal na phlentyn a aned yn naturiol, o leiaf nes byddant wedi dod i arfer i fod gyda chi. A pheidiwch â disgwyl iddynt gynefino’n gyflym. Gall gymryd misoedd. Fodd bynnag, yn yr amser hynny rydych yn magu cysylltiad cadarnhaol â'r plentyn a thrwy wneud hynny, yr ydych yn caniatáu i'r plentyn i ddysgu sut i ymddiried ynoch chi a gollwch eu gard i lawr ac felly yn caniatáu’r rhyddid iddynt i garu’n ddiamod ac iddynt greu perthnasau cadarnhaol hefyd.

Mae hynny’n fater arall i'w ystyried. Pan fydd gennych blentyn sy'n derbyn gofal, rydych yn gwybod bydd rhaid i chi roi'r gorau iddynt yn y pen draw. Os ydych yn mynd i ofalu am y plentyn yn iawn, yna mae'n rhaid i chi ganiatáu i’ch hun eu caru. Ni allwch ddal yn ôl eich cariad amdanynt, oherwydd yn fwy na bwyd, dillad, a lle i gysgu, mae’r plant hyn angen cariad. Mae 'na reswm pam fod delweddaeth ‘roller coaster' yn cael ei ddefnyddio’n eang i ddisgrifio rhianta maeth. Ac eto, ni allwch ddal eich hun yn ôl yn emosiynol oddi wrth y plant; maent yn haeddu dim llai na 100%. Mae’n rhaid i chi fod yn ymroddedig yn emosiynol i'r plant yn eich gofal. Os nad ydych yn buddsoddi yn llawn ynddynt, ac os nad yw eich calon yn torri pan fyddant yn gadael, rydych chi'n ei wneud yn anghywir. Yr wyf wedi clywed gan ofalwyr eraill yn ystod achlysuron cymdeithasol (boreau coffi ac ati) fod rhai lleoliadau yn fwy anodd nag eraill, ac mae rhai plant yn fwy anodd i’w caru, ond yn bersonol rwy’n meddwl os ydych nad ydych chi’n galaru neu'n teimlo ymdeimlad o golled pan fydd plentyn yn gadael eich cartref, nid oes gennych fusnes bod yn rhiant maeth.

Felly, byddwch yn caru y plentyn, ac mewn ffordd maent yn dod fel eich plentyn eich hun, neu o leiaf yn rhan o'ch uned deuluol. Ac eto, bob amser yng nghefn eich meddwl mae’r syniad y bydd y plentyn ryw ddydd yn eich gadael chi. Rwy'n gwybod gan ein bod ni gyda babi rhif 2 ar hyn o bryd. O bryd i'w gilydd bydd plentyn yn dod i’ch cartref ac aros yno hyd nes y byddant wedi tyfu. Ond, mae’n fwyaf tebygol y daw diwrnod pan fydd yn rhaid i chi wylio'r plentyn / babi yn cael eu cymryd i gartref arall. Ac mae rhan ohonoch yn mynd gyda nhw, rhan fawr iawn. Gall y galar y byddwch yn teimlo ar y pryd fod yr un mor ddwfn a real a dwys ag y byddai pe bai eich plentyn naturiol yn cael ei gymryd oddi wrthych. Mae'n brifo lot.

Ond, mae bod yn ofalwr maeth hefyd yn golygu gwneud rhywbeth mor werth chweil, mor hanfodol, mor bwysig â’ch bywyd nad oes modd mesur y bendithion sy’n pentyrru o'ch cwmpas. Hyd yn oed wrth i chi addunedu i beidio byth â chymryd un arall i mewn, i fyth ganiatáu eich hun i ddod mor agos i blentyn arall eto, dim ond i chi orfod wynebu'r tor calon o orfod eu gadael i fynd. Hyd yn oed fel y dywedwch "Byth eto," rydych yn aros am alwad oddi wrth y tîm dyletswydd yn dweud bod ganddynt blentyn newydd sydd angen cartref cariadus, gofalgar.

Mae bod yn rhiant maeth yn golygu eich bod yn gweithio yn y proffesiwn mwyaf sydd yna - Bywyd. Mae'n golygu y bydd eich cartref yn cael ei lenwi â chariad a dagrau a chwerthin. Mae'n golygu sychu dagrau plentyn ofnus, gan eu dysgu i wenu ac i ymateb i gariad. Mae'n golygu cerdded y llawr yn y nos gyda babi newydd-anedig annwyl. Mae'n golygu gwylio'r plentyn yn tyfu ac yn datblygu i fod yn berson ifanc a fydd yn y pen draw yn symud allan i'w cartref eu hunain.

Mae bod yn rhiant maeth yn golygu eich bod yn berson gwych, gan roi cyfle i’r plant hyn i gael bywyd y ffordd yr ydych yn gwybod y dylai fod ar eu cyfer ac oherwydd, pan ydych chi'n ofalwr maeth, rydych chi a phawb o'ch cwmpas yn gweithio fel tîm i helpu'r rhai bach sy'n cael eu rhoi yn eich gofal.

Yn sicr, mae gan fod yn ofalwr maeth lawer o anfanteision, h.y., logiau dyddiadur, hyfforddiant parhaus, cyfarfodydd. Ond, os nad ydych chi ofn wynebu problemau, os ydych yn croesawu'r her o fodloni problem ar ei phen a’i datrys, os ydych am wybod bod eich bywyd yn wir yn cyfrif am rywbeth, yna, helpwch blentyn. Helpwch i siapio eu byd. Helpwch i’w creu yn ddinesydd cyfrifol ar gyfer y dyfodol, oherwydd hyd yn oed pan dwi'n cerdded i ffwrdd ar ôl trosglwyddo'r baban / plentyn rwyf wedi ei garu fel fy mhlentyn fy hun am y X mis diwethaf, gallaf ddal fy mhen i fyny yn uchel ac yn dweud "RYDW I WEDI GWNEUD FY NGWAITH". Rwy’n caniatáu fy hun i grio go iawn am 48 awr gyfan (mae hyn yn ôl pob sôn yn iach yn ôl y cynghorydd yr oedd gennyf fynediad ato) ac yna, codi fy mhen a chael fy hun yn barod am yr un bach nesaf sy'n mynd i fod angen ein sylw i’w helpu, oherwydd, yn anffodus mae o leiaf un arall am fod.

Edrychwn ymlaen at eich gweld yn y boreau coffi a / neu lawer o ddyddiau allan

Yn gywir, cyd-ofalwr blinedig, hapus a bodlon xx

Mae gofalwr maeth yn…

Mae gofalwr maeth yn…

• Eithaf hamddenol
• Agos atoch chi
• Yn eich trin fel eu plentyn eu hunain
• Nid yw’n eich gadael allan. Mae’n eich cynnwys yn nigwyddiadau’r teulu
• Rhywun y gallwch siarad ag ef/hi
• Rhywun sydd yno i chi, yn arbennig pan fydd ei angen arnoch
• Yn dangos i chi eu bod yn meddwl amdanoch
• Yn rhoi sylw i’r hyn sydd gennych i’w ddweud ac yn hoffi treulio amser gyda chi
• Rhywun sy’n fy nhrin i a fy mrawd yr un fath
• Rhywun sydd ddim yn eich barnu
• Rhywun sy’n barod i dderbyn pobl ifanc a ddim er mwyn cael yr arian
• Dibynadwy
• Rhywun sy’n eich annog i gymryd rhan mewn pethau newydd, chwaraeon a chlybiau
• Rhywun sydd yno i chi sgwrsio â nhw
• Maent yn dysgu pethau newydd i chi, fel sut i goginio

maethu@siryfflint.gov.uk

01352 701965

Sut brofiad yw cael eich asesu mewn gwirionedd?

Ysgrifennwyd gan ofalwr maeth o Sir y Fflint sydd newydd ei gymeradwyo

I DDECHRAU…Cewch ffurflen holi ac ateb sy’n gofyn cwestiynau amdanoch chi ond, fy mhroblem i oedd fod y blychau’n rhy fach.  Er nad ydym fel arfer yn siarad llawer amdanom ein hunain, agorodd hyn dun o gynrhon, ond dim ond dechrau taith hirfaith i lawr stryd atgofion yw hon sy’n dod â theimladau o hapusrwydd, tristwch ac, ar adegau, rhwystredigaeth.  


At ddiben y blog hwn rwy’n mynd i’w alw hwn yn ddatganiad Hunangofiannol.

Gall y datganiad hunangofiannol fod yn fygythiol, ond yn y bôn stori’ch bywyd ydy o.  Efallai y bydd gofyn i chi ddisgrifio pwy â’ch magodd a’u harddull o fagu plant a’r ffordd y mae hyn wedi effeithio arnoch yn gymdeithasol ac yn bersonol, sawl brawd a chwaer sydd gennych, ac ym mha drefn y cawsoch eich geni, a pha rwydwaith cymorth sydd gennych o’ch hamgylch.

Gwelais fod ein datganiad yn ateb nifer o gwestiynau i ni fel cwpwl yn ogystal ag i’r asesiad.


Pethau fel, oeddech chi’n agos at eich rhieni a’ch brodyr a’ch chwiorydd pan oeddech yn blentyn?  Ydych chi’n agos nawr?  Faint o gysylltiad sydd gennych â nhw?  Nodwch rai o’ch llwyddiannau neu’ch methiannau?  Pa lefel addysgol ydych chi wedi’i chyrraedd?  Ydych chi’n bwriadu mynd â’ch addysg ymhellach?  Ydych chi’n hapus â’ch cyraeddiadau addysgol?  Beth yw’ch barn am addysg i blant?  Beth yw’ch statws cyflogaeth?  Eich cefndir o ran swyddi?  Oes gennych chi gynlluniau i newid swydd?  Ydych chi’n mwynhau’ch swydd bresennol?  Pa brofiadau sydd gennych â phlant, i mi llawer, ond i fy ngŵr, bron ddim.
Os ydych yn briod, (fel ni) bydd cwestiynau’n cael eu gofyn am eich priodas.  Efallai y bydd y rhain yn ymwneud â’r ffordd y gwnaethoch gyfarfod, am faint y buoch yn canlyn cyn priodi, ers faint ydych chi’n briod, beth â’ch tynodd at eich gilydd, beth yw cryfderau a gwendidau’ch cymar, a’r materion yr ydych yn cytuno ac yn anghytuno arnynt yn eich priodas.  Efallai y bydd eraill yn gofyn i chi sut ydych yn gwneud penderfynaidau, datrys problemau, setlo dadleuon, cyfathrebu, mynegi teimladau, a dangos anwyldeb.  Os oeddech chi wedi priodi o’r blaen, bydd cwestiynau am y briodas honno.  Fe wnaethom ddisgrifio ein patrymau arferol, fel ein diwrnod neu benwythnos arferol, ein diddordebau a’n gweithgareddau hamdden a gan fod gennym blant hŷn, sut ydym yn eu hintegreiddio yn hyn oll.  Bydd cwestiynau ynglŷn â’ch profiadau gyda phlant, plant perthnasau, cymdogion, gwaith gwirfoddol, gwarchod plant, addysgu, neu hyfforddi.  Efallai y cewch gwestiynau “beth os” ynglŷn â disgyblu neu faterion eraill sy’n gysylltiedig â rhianta.

Mae’n debyg y cewch eich holi am eich cymdogaeth: a ble y cawsoch eich magu.  Pa fath o gyfeillgarwch sydd/oedd gennych chi â’ch cymdogion?  Pa fath o bobl sy’n byw / a oedd yn byw gerllaw? A oedd unrhyw amrywiaeth hiliol/ethnig/diwylliannol.  A yw’n ardal ddiogel?  Pam wnaethoch chi ddewis y gymdogaeth hon?  Ydych chi mewn lleoliad cyfleus o ran adnoddau cymunedol megis cyfleusterau meddygol, cyfleusterau hamdden, ardaloedd siopa a chyfleusterau crefyddol?  A gofynnir i chi am eich crefydd, eich lefel o arferion crefyddol ac a fyddech yn barod i gefnogi unrhyw fath o fagwraeth grefyddol y gofynnir i chi gynorthwyo’ch plentyn â hi.  Cofiwch na fydd dweud ‘na’ yn cael unrhyw effaith negyddol arnoch, mae’n dangos i’r tîm pwy i beidio eu rhoi yn eich gofal.

Mae adran hefyd ar faterion penodol sy’n ymwneud â maethu, gan gynnwys cwestiynau ynglŷn â pham yr ydych am faethu, pa fath o blentyn y teimlwch y gallwch roi’r gofal gorau iddo/iddi a pham.  Hefyd sut y byddwch yn dweud wrth y plentyn pam ei fod/bod yn derbyn gofal.  Pa farn sydd gennych am rieni gwaed sy’n gyfrifol am roi eu plentyn mewn gofal.  Sut y byddwch yn ymdrin â chwestiynau’ch teulu a’ch ffrindiau am faethu, a p’un a fyddwch yn gallu creu cwlwm â phlentyn nad yw’n perthyn yn enetig i chi gan y bydd rhaid i chi adael iddynt fod ynghlwm wrthych chi.  Cefais fy nghynghori i ymchwilio i’r ddamcaniaeth ymlyniad ac rwyf mor falch fy mod wedi gwneud hynny.

Efallai na fyddwch yn gwybod yr holl atebion yn syth, doedden ni’n bendant ddim, ond mewn gwirionedd roedd yn broses wych o ddysgu pethau am ein gilydd nad oeddem wedi’u trafod o’r blaen a cherdded i lawr stryd atgofion!  Gwnaeth ein hastudiaeth cartref i ni feddwl o ddifrif am y materion hyn a buom yn cwestiynu ein gilydd ac yn siarad, a siarad a siarad mwy eto.  Un peth y gallaf fod yn sicr ohono yw, y bydd y gweithiwr cymdeithasol sy’n eich asesu yn eich arwain a’ch cynorthwyo drwy gydol y broses gyfan ac yn cynnig cyngor i chi am ddisgrifio’r testunau hyn.  Ni fyddant yn eich barnu, ond byddant yn cynnig cyngor yn ôl yr angen. 


Roedd gofyn i’n merched hŷn (24 a 21 oed) gael eu cyfweld yn unigol ar gyfer rhan o’r asesiad a dywedodd y ddwy fod ein GC wedi gwneud iddynt deimlo’n gyfforddus ac heb roi unrhyw bwysau arnynt. Dywedais wrth y ddwy o flaen llaw i fod yn gwbl onest.


Y rhan anoddaf i ni oedd ein “cyn bartneriaid”.  Roedd yn gas gennyf feddwl am y rhan honno ond cawsom ein sicrhau a dywedwyd wrthym pam fod gofyn iddynt wneud hynny a’u bod wedi arfer a’u bod yn gallu darllen pobl yn dda iawn.  Gofynnwyd pethau i mi mewn ffordd nad oedd yn gwneud i mi deimlo fy mod yn cael fy holi’n dwll.  Yn gyntaf buom yn trafod ychydig am sut mae ein perthynas â’r cyn bartner nawr, sy’n iawn yn ffodus, yna gofynnodd gwestiynau i mi am faint yr oeddem gyda’n gilydd a pham y chwalodd y berthynas.  Yna anfonodd lythyr at fy nghyn bartner yn gofyn am gyfweliad.  Credaf os ydych yn dweud wrth eich gweithiwr cymdeithasol eich bod yn dod ymlaen yn dda iawn â’ch cyn bartner a’i fod o’n dweud rhywbeth gwahanol, gallai hynny achosi pryder ond, os ydych yn onest ni fydd yn gymaint o sioc, wedi’r cyfan maent wedi arfer ymdrin â phartneriaid anfodlon.  Yn y diwedd roedd popeth yn iawn oni bai am deimlo braidd yn rhwystredig ar adegau. 

DATGANIAD GAN FY NGHYN ŴR 

“I ddechrau fy mhlant ddywedodd wrthyf fod fy nghyn wraig am fod yn ofalwr maeth ac y byddai gofyn i mi gael fy nghyfweld fel nhw.  Gan nad oeddwn wedi gwneud unrhyw beth felly o’r blaen roeddwn yn ansicr iawn beth oedd disgwyl i mi ei wneud.  Fodd bynnag, yn y pen draw cefais lythyr gan Wasanaethau Maethu Sir y Fflint yn gofyn am gyfweliad, ffoniais y rhif a ddarparwyd a trefnwyd dyddiad ac amser. Cyrhaeddodd y Gweithiwr Cymdeithasol a dechreuais deimlo’n gyfforddus ar unwaith, roedd yn fwy fel sgwrs ac mae cyfweliad yn air rhy gryf i’w ddisgrifio.  Beth bynnag buom yn sgwrsio am fy mherthynas ac a oeddwn yn meddwl ei bod yn addas i fod yn ofalwr maeth.  Atebais yn onest a dywedais fy mod yn meddwl ei bod yn berffaith ar gyfer y rôl yn arbennig gan fy mod wedi ei gweld yn magu ein plant â fy llygaid fy hun.  Yn ffodus i mi rydym i gyd yn byw yn lleol ac mae gennym berthynas dda yn bennaf oherwydd fod gennym blant gyda’n gilydd.  Parodd y cyfweliad ddim mwy na hanner awr a gwn o’r cyfweliad hwnnw ac o siarad â’m merched y bydd angen i mi eu cynorthwyo pan fydd y plant y byddant yn eu maethu yn symud ymlaen”.
Yn gywir

I GLOI…

Rydych ar fin dechrau taith emosiynol iawn ond cofiwch wisgo’ch gwregys diogelwch a mwynhau’r siwrnai. Byddwch yn clywed llawer o straeon arswyd yn y cwrs sgiliau i faethu ac yn wynebu llawer mwy yn eich asesiad ond, i’ch hysbysu rydym wedi cael ein plentyn cyntaf a mae ei wên yn gwneud popeth yn werth chweil, wedi’r cyfan sut allwn ni amddiffyn y rhai bach hyn os na allwn wynebu ein gwendidau ein hunain?

POB LWC A CHOFIWCH EICH BOD HANNER FFORDD YNO

Maethu Sir y Fflint
01352 701965
maethu@flintshire.gov.uk

Dathlu cyrhaeddiad o blant mewn gofal

Diwrnodau fel heddiw sy'n f’atgoffa pam rydym yn gwneud yr hyn rydym yn ei wneud.

Mae hi'n ddiwrnod gwobrau i blant mewn gofal maeth, ac mae 20 o weithwyr cymdeithasol y Cyngor lleol yn brysur yn paratoi'r babell ar gyfer ein 10fed gwobrau Balchder Sir y Fflint. Dyma straeon llwyddiant plant mewn gofal maeth nad ydych yn darllen amdanynt yn y papurau. Nid yw'r straeon hyn yn gwneud penawdau, ond maent yn golygu cymaint i'r plant, eu gofalwyr maeth, eu gweithwyr cymdeithasol a’u teuluoedd, ac mae'n ddiwrnod i ddathlu.

Heddiw mae'r cyfan am y plant, a dathlu cyflawniadau dros 200 o blant sy'n derbyn gofal a’r rhai sy'n gadael gofal yn Sir y Fflint. Er gwaethaf popeth y maent wedi’i brofi yn eu bywydau ifanc, mae’r plant hyn yn dal wedi llwyddo i gyflawni mewn chwaraeon, cerddoriaeth, dawns, drama, cymryd amser i helpu eraill ac yn gwneud yn dda yn yr ysgol. Heddiw, maent yn cael tystysgrifau am gyflawni presenoldeb 100% yn yr ysgol, am fod yn gapten tîm chwaraeon, codi arian i blant yn Affrica, myfyriwr cyfraith y flwyddyn, perfformio yn yr eisteddfod...

Efallai nad ydyw rhai o'r llwyddiannau hyn yn swnio fel llawer, ond pan fyddwch yn gwybod beth mae’r plant hynny wedi’i ddioddef, a’u taith, mae’r pethau bach hyn yn golygu llawer.

Mae’r diwrnod hefyd yn dathlu’r plant hynny sydd bellach wedi tyfu i fyny ac wedi llwyddo i fyw yn eu fflat eu hunain, gyda swydd a’u teulu eu hunain. Mae un sydd wedi gadael gofal yn perfformio cân Bryan Adams "heaven" o flaen dros 200 o bobl, ac ni allai'r geiriau fod yn fwy teimladwy.

 

 

"Oh once in your life you find someone
Who will turn your world around
Bring you up when you're feelin' down

 

Now our dreams are comin' true
Through the good times and the bad
Yeah I'll be standin' there by you"

Rydym wedi bod yn cynnal y gwobrau hyn am 10 mlynedd ac eto pan fyddwn yn gweld y wên ar wynebau’r plant, yna mae pawb yn eu dagrau.

www.maethusiryfflint.org.uk